Wednesday, 24 July 2019 | Login
ઝુકરબર્ગ બન્યા વિશ્વના ત્રીજા સૌથી ધનવાન વ્યક્તિ

ઝુકરબર્ગ બન્યા વિશ્વના ત્રીજા સૌથી ધનવાન વ્યક્તિ

ઈન્વેસ્ટમેન્ટ ગુરૂ વોરન બફેટને ઓવરટેક કરવામાં ઝુકરબર્ગ સફ‌ળ

નવી દિલ્હી:

ફેસુબકના સહ-સ્થાપક માર્ક ઝુકરબર્ગ ઈન્વેસ્ટર વોરેન બફેટને પાછળ છોડીને વિશ્વમાં ત્રીજા સૌથી ધનિક વ્યક્તિ બની ગયા છે. 34 વર્ષની ઉંમરે જ માર્ક ઝુકરબર્ગની સંપત્તિ બફેટ કરતા બમણી થઈ ગઈ છે. માર્કે પુરવાર કરી દીધું છે કે કેવી રીતે ટેક્નોલોજીની મદદથી વિશ્વમાં સંપત્તિ પ્રાપ્ત થઈ શકે છે. વિશ્વમાં ધનાઢ્ય લોકોની યાદીમાં માર્ક ઝુકરબર્ગ કરતા વધુ સંપત્તિવાનમાં ફક્ત બે જ વ્યક્તિઓ છે. પ્રથમ ક્રમે એમેઝોનના સ્થાપક જેફ બોઝોસ છે તેમજ બીજા સ્થાને માઈક્રોસોફ્ટના કો-ફાઉન્ડર બિલ ગેટ્સ છે. 

બ્લૂમબર્ગના બિલિયોનર્સ ઈન્ડેક્સ મુજબ શુક્રવારે માર્ક ઝુકરબર્ગના શેર 2.4 ટકાનો વધારો થતા તેની સંપત્તિમાં વધારો થયો છે. ઝુકરબર્ગની સંપત્તિ હાલ 81.6 અબજ ડોલરે પહોંચી છે જે બફેટની સંપત્તિ કરતા 373 મિલિયન ડોલર વધુ છે.

ઝુકરબર્ગની સંપત્તિમાં ઝડપથી થયેલો વધારો રોકાણકારો દ્વારા ફેસબુક પર મુકવામાં આવતા વિશ્વાસને લીધે છે. જોકે આ વર્ષે ફેસબુકને ડેટા લીક સહિતની બાબતોનો સામનો કરવો પડ્યો હતો. જેથી સોશિયલ નેટવર્કિંગ કંપનીના શેરમાં ગાબડું પડતાં ભાવ આઠ માસના તળિયે પહોંચ્યો હતો.

Source: NGS

About Author