Wednesday, 24 July 2019 | Login
મેક્સિકોના કેન્કનમાં શૂટઆઉટ, પાંચના મોત

મેક્સિકોના કેન્કનમાં શૂટઆઉટ, પાંચના મોત

એજન્સી-કેનકન:

સ્થાનિક અધિકારીઓના જણાવ્યા મુજબ મેક્સિકોના કેન્કનમાં ગઇકાલે ગુનાખોરો દ્વારા કરવામાં આવેલી ફાયરિંગમાં ઓછામાં ઓછા પાંચ લોકો માર્યા ગયા હતા અને અન્ય ત્રણ લોકો ઘાયલ થયા હતા. રાજ્યના ફરિયાદી ઓફિસર ક્વિન્ટાના રુએ પ્રારંભિક અહેવાલમાં જણાવ્યું કે રાત્રિના 9.00 વાગ્યે અજાણ્યા લોકોએ પ્યુર્ટો જુઆરેઝ નામની એક રેસ્ટોરન્ટમાં ઘૂસી ગોળીબાર કર્યો હતો, જે કેન્કનના મુખ્ય પ્રવાસી વિસ્તારથી આશરે 16 કિલોમીટર ઉત્તરમાં સ્થિત છે. 

નિવેદનમાં જણાવાયું હતું કે, "મૃત્યુ પામેલા પાંચમાંથી એક વ્યક્તિ પોલીસ એજન્ટ હતો,"  અન્ય ચાર લોકોમાં સાઇટ પર કામ કરી રહેલા લોકોનો સમાવેશ છે. આ ઉપરાંત અન્ય એક પોલીસ કમાન્ડર પણ ઘાયલ થયો છે. જો કે ગોળીબારના સ્થળે પ્રવાસીઓને ઈજા થઈ હોવાનું જાણવા મળ્યું નથી. ઉલ્લેખનીય છે કે લાખો વિદેશી પ્રવાસીઓ, ખાસ કરીને યુનાઇટેડ સ્ટેટ્સ અને યુરોપથી, કેન્કન અને અન્ય નજીકના રિસોર્ટ્સ જેવા કે પ્લાયા ​​ડેલ કાર્મેન અને ટુલમની દર વર્ષે મુલાકાત લે છે.

હકીકતમાં વર્ષ 2017ના પ્રારંભથી જ ક્વિન્ટાના રુમાં ડ્રગ ગેંગ્સ વચ્ચે આંતરિક વિવાદ ચાલી રહ્યો છે. 2018ના પ્રથમ છ માસમાં જ દક્ષિણ મેક્સીકન રાજ્યમાં ડ્રગ સંબંધિત થયેલી હિંસામાં 279 લોકોની હત્યા કરવામાં આવી હતી. સેમાફોરો ડેલિક્ટીવોના જણાવ્યા મુજબ એક એવી બિન સરકારી સંસ્થા છે જે ડ્રગ્સ સંબંધી ગુનામાં સંડોવાયેલી છે.

Source: NGS

About Author